மழையில்

 மழையில் குளித்தே தன்னை தானே 

துவட்டிக்கொள்கிறது இலைகள்! 

குழந்தைகளின் முத்தத்தில் தான் 

மழையென்பதை மறந்து மகிழ்கிறது! 

ஒரு துளி முத்தமேனும் ஓட்டுக்குள் 

ஒளிந்துக்கொண்ட நத்தைக்கு தரமுயல்கிறது! 

வற்றிய புல்லுக்கு ஒற்றை கண்ணீராய் உருவெடுக்கிறது!

 ஒரு விதையின் பனிக்குடத்தை உடைத்துவிடுகிறது !

இறந்த மலருக்கு இறுதியாத்திரை நடத்துகிறது !

ஏதோவொரு தேடலில் முடிவற்று முடிகிறது !