அலைபேசி உரையாடல் !

அரை நாழியில் முடிந்துவிட்ட 

நம் அலைபேசி உரையாடல் 

காற்றின் அலைவரிசையில் கரைந்துவிட்ட்து! 

முன்பே பேசிப்பார்த்து குறிப்பெடுத்த காகிதமெல்லாம் கழுவி ஊற்றியது !

என் உடல்நீர் என்னையே 

காறித்துப்பியது வியர்வையாக !

என் ஆறடி உயரம் 

ஏளனமாய் என்னை பார்த்தது!

 நான் தடுமாறுகிறேனா 

நீ தொடரவிடுவதில்லையா என்ற 

தீர்ப்புக்குள் வராத தவிப்புகள்!

உன் நேரங்கள் என்னை விழுங்கியது போக மீதமுள்ள தருணங்களில் தயாரித்து கொண்டிருக்கிறேன் உன்னுடன் நடத்த போகும் 

அடுத்த உரையாடலுக்காக !