வரி

 பழுதுபட்ட சாலை பள்ளங்களில்

 நிரம்பி வழிகிறது நான் கட்டிய 

சுங்க வரியின் நாணயங்கள் 

சில குழிகளில் எங்கள் குழந்தைகளின் உயிர்பலி !

உடைத்துக்கொண்டு வீணாகும் 

குழாய்களில் எல்லாம் எங்கள் குடிநீர் வரி !

சேவைக்கும் வரி செலவுக்கும் வரி 

சல்லடை வாளியில் எங்கள் சேமிப்பு !

எங்கள் கழிவறைக்கு பின்னால் 

குவளையோடு நிற்கிறீர்கள் 

வரி வசூலிக்க !

என் வருமானத்தை வங்கியில் கட்ட 

வரிசையில் நிற்கும்போது 

பலத்த பாதுகாப்புடன் ஓடுகிறான் உங்களின் கூட்டாளி 

வாங்கிய கடனை ஏமாற்றிவிட்டு 

வந்தே பாரதம் !